नेकपा एमालेको १० औँ महाधिवेशनको लागि झापाबाट चितवन हिँडेको सवारीसाधनमा ढुङ्गा प्रहार भएको छ । झापाबाट महाधिवेशन प्रतिनिधि लगायतका अन्य कार्यकर्ताहरूलाई लिएर चितवनतर्फ हिँडेको सवारीसाधनलाई मोरङको विराट चोक नजिकै ढुङ्गा प्रहार भएको हो ।
ढुङ्गा प्रहारबाट सवारीसाधनको सिसामा क्षति पुगेको छ । ढुङ्गा प्रहार गर्नेहरूको खोजी भइरहेको भएता पनि अहिलेसम्म पक्राउ गर्न नसकिएको जिल्ला ट्राफिक कार्यालय मोरङले जनाएको छ । ढुङ्गा प्रहारपछि एक छिन सडक अवरुद्ध भएको थियो । केही समयपछि उक्त सवारी साधन चितवनतर्फ लागेको झापाबाट महाधिवेशनको लागि चितवन आउँदै गरेका पत्रकार राजकुमार ओलीले केटिएम दैनिकलाई बताए ।
नेकपा एमालेको १०औँ राष्ट्रिय महाधिवेशनका लागि प्रदेश १ बाट ४ सय ५० बस सौराहातर्फ हिँडेका छन् । जसमा झापाबाट मात्रै ४९ बस हिँडेको पत्रकार ओलीले बताए ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
