बागलुङ, २८ भाद्र । मध्यपहाडी लोकमार्गमा आज बिहान सरकारी पिकअप गाडी दुर्घटना भएको छ ।
बागलुङ गलकोट न.पा.-२ भुङखानी स्थित मध्यपहाडी लोकमार्गमा रा.१.झ.२०० नम्बरको सरकारी पिकअप गाडी सडक देखी अन्दाजी ३०० मिटर तल खसेर दुर्घटना भएको हो ।
पिकअप गाडीमा सवार चारजनामध्ये तीनजनाको घटनास्थलमै निधन भएको जिल्ला प्रहरी कार्यालय बागलुङका प्रवक्ता प्रहरी नायव उपरीक्षक विजय यादवले जानकारी दिए ।
मृतकमध्ये दुई महिला र एक पुरुष हुन् । घटनास्थलमा पुथा उत्तरगङ्गा गाउँपालिका उपाध्यक्ष भुपेन्द्र बुढा मगरको परिचयपत्र भेटिएको छ ।
दुर्घटनामा घाइते एकजनाको उपचारको लागी धौलागिरी अस्पताल बागलुङ पठाइएको र उनको अवस्था चिन्ताजनक रहेको प्रहरीले जानकारी दिएको छ ।
भीरको अप्ठयारो ठाउँमा दुर्घटना भएको हुदा शव बाहिर निकाल्न कठिनाइ भइरहेको इलाका प्रहरी कार्यालय गलकोटका प्रहरी निरीक्षक देबराज काफ्लेले बताए ।
र यो पनि : मध्यपहाडी लोकमार्ग दुर्घटना: मृतक गाउँपालिका उपाध्यक्ष रहेको पुष्टी
