काठमाडौँ- सिन्धुपाल्चोक पाँच पोखरी थाङपाल गाउँपालिकामा यात्रुबहाक बस दुर्घटना हुँदा चालकसहित ८ जना घाइते भएका छन् ।
शनिवार दिउँसो बागमती प्रदेश -३-०१-००५ख ९९७६ नम्बरको तिपेनीबाट काठमाडौँ जाँदै गरेको यात्रुवाहक बस दुर्घटना मेलम्ची १० बजार नजिकै दुर्घटना भएको हो ।
घाइतेहरूको मेलम्ची नगर अस्पतालमा उपचारका लागि पठाइएको इलाका प्रहरी कार्यालय मेलम्चीले जनाएको छ । घाइतेको अवस्था सामान्य छ । चालक महेश्वर ढकाल भने गम्भीर छन् ।
घाइते हुनेहरूमा पाँच पोखरी थाङपाल गाउँपालिका ६ का अनिल भण्डारी, हेलम्बु चनौटेकी, सुस्मिता ज्योति, भोताङकी पेमा लामा, नोर्कि तामाङ, महेश्वर ढकाल चालक, बिनायक ढकाल र धापका रामचन्द्र पौडेल रहेका छन् ।
