काठमाडौं, ६ कात्तिक। भारतको राजधानी नयाँदिल्लीबाट काठमाडौंस्थित त्रिभुवन अन्तर्राष्ट्रिय विमानस्थल अवतरण गरेको भारतीय निजी वायुसेवा कम्पनी भिस्टारा एयरवेजको जहाजमा बम राखेको हल्ला फैलिएको छ ।
दिल्लीबाट काठमाडौंको लागि उडेको टाटा र सिंगापुर एयरलाइन्सको ज्वन्टभेन्चरको भिस्तारा एयरलाइन्सको युके १५५ उडान नम्बरको जहाजमा बम राखिएको हल्लाले त्रिभुवन विमानस्थलमा तनाब उत्पन्न भएको छ ।
अहिले विमानस्थलमा उडान र अवतरणका सबै काम बन्द गरिएको छ ।
प्रहरीले विमानलाइ छुट्टै राखेर खोजतलास गरिरहेको नेपाल नागरिक उड्यन प्राधिकरण स्रोतले जनाएको छ ।
जहाजमा बम राखेको फोन दिल्लीबाटै आएको विमानस्थल स्रोतले जनाएको छ ।
विमानस्थल स्रोतले भन्यो,’यात्रु र विमानको आवश्यक सुरक्षा जाँच गरेपछि मात्रै वास्तविकता थाहा हुन्छ। हामी अहिले सुरक्षा जाँच गरिहेका छौं।’
उक्त जहाज मंगलबार दिउँसो ४:३० बजे अवतरण भएको हो।
