हेटौंडा, ५ असोज । ग्याँस बोक्ने ट्रक (ग्याँस बुलेट) को ठक्करबाट हेटौंडामा साइकलयात्रीको निधन भएको छ ।
शुक्रबार राती ७:४५ बजे पुर्व पश्चिम सडक खण्डमा हेटौडा बाट थानाभर्याङ तर्फ जादै गरेको एनएल ०१ एल ९०२६ नम्बरको ग्याँस बुलेटलाई साइकलयात्रीलाई ठक्कर दिएको थियो ।
घाइते साइकलयात्री भक्तपुर सुडाल घर भई हेटौंडा-११ थानाभर्याङ बस्ने अन्दाजी ६० वर्षका रमेश पाण्डेलाई उपचारको लागी हेटौडा अस्पतालमा लगिएको थियो ।
अस्पताल पुर्याउनसाथ चिकित्सकले चेकजाँच गर्दा उनको निधन भएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक लक्ष्मी भण्डारीले जानकारी दिए ।
घटनामा संलग्न ग्याँस बुलेट र त्यसका चालकलाई प्रहरीले नियन्त्रणमा लिएर सवारी ज्यान मुद्दामा अनुसन्धान अगाडि बढाएको छ ।
