बनेपा, २५ भाद्र । काभ्रेको पनौतीमा एक महिलाको शव फेला परेको छ ।
आज बिहान ६:१५ बजे पनौती-४ दुधमिल पछाडी खेतको आली छेउमा एक महिलाको शव फेला परेको जिल्ला प्रहरी कार्यालय काभ्रेका सूचना अधिकारी प्रहरी नायव उपरीक्षक राजकुमार श्रेष्ठले केटिएम दैनिकलाई बताए ।
मृतक महिला बनेपा-११ सल्ले घर भइ हाल पनौती-४ कुमारी बैंक पछाडि डेरा गरी बस्ने अन्दाजी वर्ष ३५/४० वर्ष शान्ति तामाङ रहेको डिएसपी श्रेष्ठले बताए ।
मृतकको सनाखत उनको छोरा सञ्जय तामाङले गरेका हुन् ।
तामाङ घोप्टो अवस्थामा मृत फेला परेकी थिइन् । यस घटनामा अनुसन्धान भइरहेको प्रहरीले जनाएको छ ।
