हेटौंडा, १९ भाद्र । मकवानपुर जिल्लाको मनहरी गाउँपालिका-५ डिल्लिपुर नजिक राप्ती खोलाको बगरमा बाढीको कारण अलपत्र परेका चारजनाको सकुसल उद्दार गरिएको छ ।
खोलाको बगरमा कास (खर) काट्न गएका तीन महिला र एक पुरुष खोलामा बाढी आएपछि बीच बगरमा बुधबार साँझ अलपत्र परेका थिए ।
अलपत्र परेका स्थानीयको उद्दारको लागि हिजो साँझ ७:०० बजेदेखि नेपाल प्रहरी, नेपाली सेना र सशस्त्र प्रहरी बलको संयुक्त टोली खटिएको थियो ।
अलपत्र परेका चारैजनालाई बुधबार राती ९:३० बजे सकुसल उद्दार गरिएको मकवानपुर प्रहरीले जनाएको छ ।
