काभ्रे, भाद्र १ । आज बिहान सुख्खा पहिरोको कारण अरनिको राजमार्ग दुइतर्फी रुपमा अवरुद्ध भएको छ ।
बिहान ६:०० बजे काभ्रेपलाञ्चोक पाँचखाल-८ त्रीपन्न किलोमा ढुंगासहित सडकमा सुख्खा पहिरो झर्दा सड्क दुई तर्फि अवरोध भएको काभ्रे प्रहरी प्रवक्ता डिएसपी राजकुमार श्रेष्ठले बताए । सडक अवरुद्ध हुँदा दुवैतर्फ सयौँ सवारीसाधन रोकिएका छन् । साना सवारीसाधनलाई वैकल्पिक सडकबाट पठाइएको उनले बताए ।
पहिरो हटाउनको लागि स्थानिय निकाय र सडक बिभागसँग समन्वय भइरहेको डिएसपी श्रेष्ठले बताए ।
थप अपडेट: बिहान ७:४० बजे
पहिरोले अवरुद्ध भएको सडक एकतर्फी रुपमा सुचारू गरिएको छ ।
