वीरगन्ज, २८ श्रावण । वीरगन्ज-७ राम टोलमा ज्वाइँको कुटाइबाट ससुराको निधन भएको छ ।
नातामा ज्वाइँ पर्ने साजन सर्राफले आफ्ना ससुरा ६५ वर्षीय सिताराम सर्राफलाई कुटपिट गरेर घाइते बनाएका थिए ।
कुटाइबाट गम्भीर घाइते भएका सितारामलाई उपचारको लागि नारायणी अस्पताल वीरगन्ज लगिएको थियो ।
उपचारकै क्रममा उनको निधन भएपछि प्रहरीले साजन सर्राफलाई आज नियन्त्रणमा लिएको जिल्ला प्रहरी कार्यालय पर्साले जनाएको छ ।
बारा कलैया उपमहानगरपालिका-१ राजदेवी टोल घर भएका ३१ वर्षीय साजन सर्राफ वीरगन्ज-१० मा बस्दै आइरहेका थिए ।
उनीहरूबीच घरायसी विवादका रहेको बुझिएको छ ।
