बनेपा, २३ श्रावण । सडकमा हिँड्ने क्रममा ढलमा बेपत्ता भएकी महिला मृत अवस्थामा भेटिएकी छन् ।
मङ्गलवार बिहान धुलिखेल-५ श्रीखण्डपुरमा रहेको ढलको मकलमा परेर रामेछाप खाँडादेवी-३ घर भई हाल पनौती-५ नैकिनटार बस्ने ५० वर्षकी की भगवती भागदास बेपत्ता भएकी थिइन् ।
बेपत्ता भएकी महिलाको खोजतलास गर्ने क्रममा घटनास्थलबाट अन्दाजी ३०० मिटर तल खेतमा उनको शव भेटिएको हो ।
जिल्ला प्रहरी कार्यालय काभ्रेका सूचना अधिकारी डिएसपी राजकुमार श्रेष्ठका अनुसार ढलले बगाएकी महिलाको खोजतलास गर्दा ३०० मिटर तल खेतमा तैरिरहेको अवस्थामा भेटिएको हो ।
उनले भने, ‘ढलमा बगेको ५० मिनेटपछि महिलाको शव फेला परेको हो ।’
