बागलुङ, २२ श्रावण । बाटोमा हिड्ने क्रममा माथिबाट आएको पहिरोमा पुरिएर बागलुङमा एक युवकको निधन भएको छ ।
जिल्लाको वडिगाड-९ दर्लिङ काभ्राखर्कमा आज दिउँसो १:३० बजे गोरेटो बाटोमा हिँडिरहेका स्थानीय २४ वर्षका गंगा बस्नेतमाथि पहिरो खसेको हो ।
पहिरोमा पुरिएका बस्नेतको घटनास्थलमै निधन भएको इलाका प्रहरी कार्यालय भिमगिठ्ठेले जनाएको छ ।
घटनास्थलमा प्रहरी निरीक्षक राजकुमार वि.क. को कमाण्डमा १० जनाको टोली खटिएको जिल्ला प्रहरी कार्यालय बागलुङ, सञ्चार शाखाले जनाएको छ ।
घटनास्थल जिल्ला प्रहरी कार्यालयबाट २९ किलोमिटरको दुरीमा रहेको बताइएको छ ।
