बिर्तामोड (झापा), १७ साउन । आज साँझ जिल्लाको हल्दिवारी गाउँपालिका- ५ सोडागान्धि चोकमा भएको सवारी दुर्घटनामा दुई जनाको निधन भएको छ ।
बिहीबार साँझ ७:१५ बजेको समयमा हुलाकी मार्गमा राजगढबाट जलथल तर्फ आउँदै गरेको मे १ ज ३२६१ नम्बरको पिकअप गाडीले जलथलबाट राजगढ तर्फ जाँदै गरेको मे ९ प ९६८५ नम्बरको मोटरसाईकललाई ठक्कर दिएको हो ।
उक्त दुर्घटनामा मोटरसाइकल चालक र त्यसमा सवार व्यक्ति घाइते भएका थिए ।
घाइतेको उपचारको क्रममा निधन भएको जिल्ला प्रहरी कार्यालय झापाका प्रवक्ता प्रहरी नायव उपरीक्षक कृष्ण कुमार चन्दले बताए ।
मोटरसाइलमा सवार दुवै पुरुष व्यक्ति हुन् । २५-३० वर्षका जस्ता देखिने मृतकहरूको यो समाचार तयार पार्दासम्म परिचय खुलेको छैन ।
प्रहरीका अनुसार घाइतेहरूको उपचारको क्रममा बि एण्ड सी अस्पताल बिर्तामोडमा बेलुका ८:०० बजे निधन भएको हो ।
दुर्घटनामा संलग्न पिकअप र पिकअप चालक भद्रपुर-२ वस्ने वर्ष ३७ को दिपेन राईलाई प्रहरीले नियन्त्रणमा लिएको छ ।
