काठमाडौं, १४ भाद्र । सरकारले एकनारायण अर्याललाई मुख्य सचिवमा नियुक्त गरेको छ ।
विहिबार बसेको मन्त्रिपरिषद्को बैठकले हाल गृहसचिव रहेका अर्याललाई मुख्यसचिवमा नियुक्त गरेको हो । योसँगै अर्याल २७ औं मुख्यसचिव बनेका छन् ।
२०७७ भदौमा सचिवमा बढुवा भएका अर्यालले गृह मन्त्रालयको सचिवको जिम्मेवारी सम्हाल्नुअघि प्रधानमन्त्री कार्यालय, श्रम र सामान्य प्रशासन मन्त्रालयको सचिवको समेत जिम्मेवारी निर्वाह गरिसकेका छन् ।
यसअघि पहिलो पटक महिला मुख्यसचिव भएकी लीलादेवी गड्तौला उमेर हद्का कारण अनिवार्य अवकासमा गएपछि अर्याललाई मुख्यसचिव नियुक्त गरिएको हो ।
