पाँचथर, ११ भाद्र । पाँचथरको तुम्बेवा गाउँपालिका-३ शहिद पार्क स्थितमा चट्याङले लागेर एक बालकको मृत्यु भएको छ ।
आइतबार दिउँसो सवा ३ बजे विद्यालयबाट घर फर्कने क्रममा तुम्बेवा -२ का डिल्ली तिम्सिनाको १५ वर्षीय छोरा दर्शन तिम्सिनालाई चट्याङले लागेर घाइते बनाएको थियो ।
चट्याङले लागेर घाइते भएका उनलाई उपचारको लागी स्वास्थ्य चौकी मौवा लैजाँदै गर्दा बाटैमा मृत्यु भएको हो ।
घटना सम्बन्धमा जिल्ला प्रहरी कार्यालय पाँचथरबाट थप अनुसन्धान भई रहेको छ ।
