काठमाडौं, ४ भाद्र । गाडी दुर्घटनामा घाइते भएका हुम्लाको सर्केगाड गाउँपालिकाका उपाध्यक्ष चन्द्रसिंह कार्कीको उपचारका क्रममा ज्यान गएको छ ।
हिजो सुर्खेतबाट बाँकेको नेपालगञ्ज जाँदै गर्दा कर्णाली प्रदेश ०२००१ ख १०११ नम्बरको फोर्स गाडी सुर्खेतको भेरीगंगा नगरपालिका-५ मा दुर्घटना हुँदा उपाध्यक्ष कार्की घाइते भएका थिए ।
नेपालगञ्ज मेडिकल कलेजमा गए राति उनको निधन भएको अस्पतालले जनाएको छ ।
२०७९ मा भएको पालिका चुनावमा कार्की नेकपा माओवादी केन्द्रको तर्फबाट हुम्लाको सर्केगाड गाउँपालिकाको उपाध्यक्षमा निर्वाचित भएका थिए ।
