झापा । गौरादह नगरपालिका-७ मा आज स्कुल बसको ठक्करबाट एक विद्यार्थीको घटनास्थलमै मृत्यु भएको छ ।
गौरादह नगरपालिका-७ स्थित फगेटीमा सजग एकता बोर्डिङ स्कुलको गुडिरहेको बसले ठक्कर दिँदा सोही विद्यालयमा अध्ययनरत चार वर्षीय बालकको ज्यान गएको हो । जिल्ला प्रहरी कार्यालय झापाका प्रवक्ता खगेन्द्रबहादुर खड्काले बोर्डिङ स्कुलको को१ख ६९४० नम्बरको बसले सोही विद्यालयमा अध्ययनरत आरोग्य चिमरियालाई ठक्कर दिएको हो ।
विद्यालयको बिदापछि बसबाट विद्यार्थी ओराल्ने क्रममा बसले ठक्कर दिँदा बालकको घटनास्थलमै मृत्यु भएको प्रवक्ता खड्काले जानकारी दिए । घटना लगत्तै प्रहरीले बस र चालक गौरादहका ५७ वर्षीय लालबहादुर बस्नेतलाई नियन्त्रणमा लिएर थप अनुसन्धान गरिरहेको प्रहरीले जनाएको छ ।
