काठमाडौं– सरकारको राजस्व बक्यौता साढे २ खर्ब नाघेको छ । आर्थिक वर्ष ०८१/८२ सम्म सरकारको राजस्व बक्यौता ब्याजसमेत २ खर्ब ७५ अर्ब ५ करोड पुगेको महालेखापरीक्षकको कार्यालयले जनाएको हो ।
महालेखापरीक्षकको कार्यालयले सार्वजनिक गरेको ६३औँ प्रतिवेदनअनुसार उठ्न बाँकी बक्यौता मध्ये आयकर २ खर्ब १९ अर्ब ११ करोड, मूल्य अभिवृद्धि कर ४८ अर्ब ७० करोड, अन्तःशुल्क ४ अर्ब ९ करोड र अन्य ३ अर्ब १५ करोड रुपैयाँ रहेको छ ।
कार्यालयका अनुसार बक्यौतामध्ये १ खर्ब ८० अर्ब १० करोड बक्यौताको विषयलाई लिएर करदाता पुनरावेदनमा गएका छन् ।
कार्यालयले अर्थ मन्त्रालयले मातहतका निकायलाई विवादरहीत बक्यौता असुलीमा प्रभावकारी ढंगले परिचालन गर्न नसकेको औँल्याएको छ ।
