बाँके ।बाँकेको नेपालगञ्ज उपमहानगरपालिका–१९ भैयापुरस्थित न्यु किसान इट्टा भट्टामा पर्खाल भत्किँदा दुई मजदुरको मृत्यु भएको छ।
प्रहरीका अनुसार इट्टाभट्टाको पर्खाल अचानक ढलेर च्यापिँदा ५२ वर्षीय वर्षादी लोधको घटनास्थलमै ज्यान गएको थियो। दुर्घटनामा ४५ वर्षीय राम फेरन कोरी गम्भीर घाइते भएका थिए।
घाइते कोरीलाई उपचारका लागि अस्पताल लगिएको भए पनि आज बिहान करिब ३ः३० बजे उपचारकै क्रममा मृत्यु भएको प्रहरीले जनाएको छ।
लोधको शव पोस्टमार्टमपछि परिवारको जिम्मा लगाइएको छ भने कोरीको शव पोस्टमार्टमका लागि अस्पतालमा राखिएको छ। घटनाबारे थप अनुसन्धान भइरहेको प्रहरीले जनाएको छ।
