काठमाडौँ । चेक अनादरसम्बन्धी मुद्दामा अदालतबाट सजाय तोकिएपछि फरार रहेका दुई प्रतिवादीलाई प्रहरीले नियन्त्रणमा लिएको छ।
पक्राउ पर्नेमा मकवानपुरको बागमती गाउँपालिका-७ का ४७ वर्षीय पूर्णबहादुर डिम्डुङ र तेह्रथुमका ५८ वर्षीया सलिजा कान्दङवा रहेका छन्।
जिल्ला अदालत मकवानपुरले २०८१ माघ १३ गते गरेको फैसलामा उनीहरूलाई चेक अनादर मुद्दामा दोषी ठहर गर्दै दुई वर्ष कैद सजाय तोकेको थियो। फैसलापछि फरार रहेका दुवै जनालाई काठमाडौँ उपत्यका अपराध अनुसन्धान कार्यालयबाट खटिएको टोलीले पक्राउ गरेको प्रहरीले जनाएको छ।
