काठमाडौं । ललितपुर महानगरपालिकासँगको सहकार्यमा नेपालस्थित भारतीय दूतावासले वृक्षारोपण गरेर विश्व वातावरण दिवस मनाएको छ ।
ललितपुरको महानगर- १ स्थित सङ्कटा पुल, चारधाम मन्दिर परिसर नजिकै वृक्षारोपण कार्यक्रम गरिएको हो ।
वृक्षारोपण कार्यक्रममा वन तथा वातावरण मन्त्री नवल किशोर साह सुडी, ललितपुर महानगरपालिकाका मेयर चिरीबाबु महर्जन र नेपालका लागि भारतीय राजदूत नवीन श्रीवास्तव सहभागी थिए ।
कार्यक्रममा अन्य राजनीतिक दलका प्रतिनिधि, सरकारी अधिकारी, समाजसेवी र वातावरणप्रेमीको सहभागीता रहेको थियो ।
कार्यक्रममा वातावरणको संरक्षण र जर्गेना हेतु साझा प्रतिबद्धतामा विशेष जोड दिइएको थियो ।
कार्यक्रममा सहभागीहरुले १५० वटा वृक्षहरु रोपेका थिए ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
