काठमाडौं, ६ चैत । सरकारले ५९ जना शाखा अधिकृत र २१ जना उपसचिवको सरुवा गरेको छ ।
बुधबार संघीय मामिला तथा सामान्य प्रशासन मन्त्रालयले उनीहरुको सरुवा गरेको हो ।
उपसचिवको सरुवासँगै केही नगरपालिकाहरूको प्रमुख प्रशासकिय अधिकृतहरू परिवर्तन भएका छन् ।
धादिङको धुनीवेंशी नगरपालिकामा कार्यरत प्रमुख प्रशासकीय अधिकृत निरज पौडेलको सञ्चार मन्त्रालयमा सरुवा भएको छ भने पौडेलको स्थानमा कृष्ण प्रसाद जैसीलाई पठाइएको छ । जैसी यसअघि उद्योग मन्त्रालयमा कार्यरत थिए ।
त्यस्तैगरी बैतडीको पाटन नगरपालिका, महोत्तरीको लोहरपट्टी नगरपालिका, सर्लाहीको बागमती नगरपालिका, कैलालीको गोदावरी नगरपालिका, सल्यानको बागचौर नगरपालिकाका प्रमुख प्रशासकीय अधिकृतहरू परिवर्तन भएका छन् ।
त्यस्तैगरी शाखा अधिकृतको सरुवा भएसँगै केही गाउँपालिकाका प्रमुख प्रशासकीय अधिकृतहरू परिवर्तन भएका छन् । कास्कीको माछापुच्छ्रे गाउँपालिका, बर्दियाको बढैयाताल, नवलपरासी (बर्दघाट सुस्ता पश्चिम) को सुस्ता गाउँपालिका, बैतडीको पञ्चेश्वर, डोटीको पूर्वीचौकी, पाल्पाको तिनाउ, रामेछापको दोरम्बा शैलुङ गाउँपालिकामा प्रमुख प्रशासकीय अधिकृतहरू परिवर्तन हुने भएका हुन् ।
को कहाँ पुगे हेर्नुहोस् सूची
