काठमाडौँ । गोरखा निर्वाचन क्षेत्र नम्बर २ बाट प्रतिनिधि सभा सदस्य पदमा राष्ट्रिय स्वतन्त्र पार्टी (रास्वपा)का उम्मेदवार कवीन्द्र बुर्लाकोटी विजयी भएका छन्।
निर्वाचन परिणाम अनुसार बुर्लाकोटीले २६ हजार ६६० मत प्राप्त गर्दै विजय हासिल गरेका हुन्। उनका प्रमुख प्रतिस्पर्धी नेपाली काँग्रेसका प्रकाशचन्द्र दवाडीले ११ हजार ७०० मत प्राप्त गरेका छन्।
यसैगरी नेपाली कम्युनिस्ट पार्टीका उम्मेदवार लेखनाथ न्यौपानेले ११ हजार ७३ मत प्राप्त गर्दै तेस्रो स्थानमा रहेका छन्।
उक्त निर्वाचन क्षेत्रमा नेकपा एमालेका मिलन गुरुङले ३ हजार ८७ मत प्राप्त गरेका छन् भने उज्यालो नेपाल पार्टीका बलराम तामाङले ६३९ मत प्राप्त गरेका छन्।
निर्वाचन आयोगले सार्वजनिक गरेको मतपरिणामअनुसार गोरखा-२ मा रास्वपाले स्पष्ट अग्रता कायम गर्दै प्रतिनिधिसभामा आफ्नो उपस्थिति सुनिश्चित गरेको हो।
