काठमाडौँ। मध्यक्रमका ब्याटर दीपेन्द्रसिंह ऐरी टी-२० विश्वकपमा अर्धसतक बनाउने दोस्रो नेपाली ब्याट्सम्यान बनेका छन् । योभन्दा अघि २०१४ को टी-२० विश्वकपमा सुवास खकुरेलले पहिलो अर्धसतक बनाएका थिए ।
नेपाल अहिले तेस्रो पटक विश्वकप खेलिरहेको छ । तीन विश्वकपमा जम्मा दुई अर्धसतक भेटिनु नै नेपाली ब्याटरहरुको कमजोर प्रस्तुतिको द्योतक हो । अघिल्लो पटक २०२४ को विश्वकप र यस विश्वकपमा नेपाल अहिलेसम्म जित विहीन छ । २०२४ मा नेपालका कुनै पनि ब्याट्सम्यानले अर्धसतक बनाउन सकेका थिएनन् ।
सुवासले २०२४ मा अफगानिस्तानविरुद्ध ५३ बलमा ५६ रन बनाएका थिए । त्यही नै विश्वकपमा नेपाली ब्याटरको उच्च व्यक्तिगत स्कोर थियो। त्यसलाई आज दीपेन्द्रले तोडेका छन् । उनले ४७ बलमा ५८ रन जोडे । यद्यपि, यी दुवै अर्धसतक फरक(फरक परिस्थितिमा निस्किएका थिए ।
सुवासले अफगानिस्तानविरुद्ध नेपालको ओपनिङ गर्दै संयमित अर्धसतक बनाएका हुन् । उनले १ छक्का र ६ चौका लगाएका थिए ।
