काठमाडौँ । उपसभामुख पदका लागि श्रम संस्कृति पार्टीबाट २५ वर्षीया रुबी कुमारी ठाकुरले उम्मेदवारी दर्ता गराएकी छन् ।
समानुपातिक प्रणालीबाट प्रतिनिधित्व गर्दै आएकी ठाकुर हाल संसदमा सक्रिय सदस्यका रूपमा रहेकी छन् । उनको उम्मेदवारीसँगै उपसभामुख चयन प्रक्रिया थप प्रतिस्पर्धात्मक बनेको छ ।
यसअघि नै राष्ट्रिय प्रजातन्त्र पार्टी (राप्रपा)की सरस्वती लामाले पनि सो पदका लागि उम्मेदवारी दर्ता गराएकी छन् ।
निर्धारित कार्यतालिका अनुसार उम्मेदवारी दर्ता प्रक्रिया आज बिहान ११ बजेदेखि दिउँसो २ बजेसम्म सम्पन्न भएको हो ।
