काठमाडौँ – नेपाली कांग्रेसका सांसद अर्जुननरसिंह केसीले सत्तापक्षको सङ्ख्या जति नै धेरै भए पनि सदन विपक्षको हुनुपर्ने बताएका छन् । प्रतिनिधि सभाको सोमबारको बैठकमा सांसद केसीले यसअघिका विभिन्न उदाहरण दिँदै सदनलाई सत्तापक्षको होइन विपक्षीको बनाएर सन्तुलन कायम राख्न सभामुखलाई आग्रह गरे ।
उनले विपक्षलाई आगोको झिल्कोको संज्ञा दिँदै आगोको झिल्को सानो भए पनि झिल्को नै भएको बताए । ‘आगाको झिल्को जतिसुकै सानो भए पनि त्यो आगाकै झिल्को हुन्छ,’ केसीले भने, ‘सदनमा सत्तापक्ष जतिसुकै ठुलो भए पनि सदन विपक्षको हो ।’
उनले सदन कसैको बन्दी हुन नहुने बताउँदै सदनलाई स्वतन्त्र भएर काम गर्ने वातावरण निर्माण गर्न सभामुखलाई आग्रह गरे ।
