सनराइजर्स हैदराबादले इन्डियन प्रिमियर लिग (आईपीएल) पहिलो जित दर्ता छ । बिहीबार राति सम्पन्न खेलमा हैदराबादले कोलकाता नाइट राइडर्सलाई ६५ रनले पराजित गरेको हो ।
घरेलु मैदान इडेन गार्डेन्समा हैदराबादले प्रस्तुत गरेको २२७ रनको लक्ष्य पछ्याएको कोलकाता १६ ओभरमा १६१ रनमा समेटियो ।
कोलकाताका लागि अंगकृश रघुवंशीले २९ बलमा ६ चौका र २ छक्कासहित सर्वाधिक ५२ रनको योगदान गरे । यसैगरी, रिंकु सिंहले ३५, फिल साल्टले २८, सुनिल नारायणले १२ र रमनदिप सिंहले १० रन बनाए ।
हैदराबादका लागि जयदेव उनादकटले ३, इशान मलिंगा र नितिश कुमार रेड्डीले २–२ तथा हर्ष दुबेले १ विकेट लिए ।
त्यसअघि टस हारेर ब्याटिङको निम्तो पाएको हैदराबादले निर्धारित २० ओभरमा ८ विकेट गुमाउँदै २२६ रनको योफल तयार पारेको थियो ।
हैदराबादका लागि हेनरिच क्लासेनले ३५ बलमा ४ चौका र १ छक्कासहित सर्वाधिक ५२ रनको योगदान गरे । यसैगरी अभिषेक शर्माले ४८, ट्राभिस हेडले, ४६, नितिशकुमार रेड्डीले ३९ र कप्तान इशान किशनले १४ रन बनाए ।
कोलकाताका लागि ब्लेसिङ मुजरबानीले ४, वैभव अरोराले २ तथा कार्तिक त्यागी र अनुकुल रोयले १–१ विकेट लिए ।
जितसँगै हैदराबादले २ अंक जोडेर छैटौं स्थानमा उक्लिएको छ । लगातार दुई हार बेहोरेको कोलकाता अंकविहीन रहँदै नवौं स्थानमा छ ।
