काठमाडौँ। एएफसी एसियन कप २०२७ अन्तर्गत भइरहेको छनोटको अन्तिम खेलमा नेपाल राष्ट्रिय फुटबल टोली लाओससँग १-० गोल अन्तरले पराजित भएको छ।
न्यु लाओस नेशनल स्टेडियममा सम्पन्न खेलमा लाओसका कप्तान बौनफाचन बौनकोङले खेलको दोस्रो हाफको ४८ औँ मिनेटमा निर्णायक गोल गरेका थिए।
नेपालका लागि यो खेल मुख्य प्रशिक्षक गुग्लिएल्मो एरेनाको प्रशिक्षणमा डेब्यु खेल थियो, जुन नतिजा अनुसार सफल हुन सकेन।
समूह ‘एफ’ मा रहेका दुवै टोली प्रतियोगिताको आगामी चरणमा प्रवेश गर्न असफल भएका छन्। नेपाल ६ खेलमा ३ अंकसहित समूहको अन्तिम स्थानमा रहँदा, लाओस ६ अंकसहित तेस्रो स्थानमा उक्लिएको छ।
