काठमाडौँ । नवनियुक्त प्रधानमन्त्री बालेन्द्र शाह (बालेन)ले सचिवालयका लागि विभिन्न पदाधिकारी नियुक्त गरेका छन् ।
प्रशासन सिंहदरबार विशेष ब्युरोलाई प्राप्त जानकारी अनुसार प्रधानमन्त्री शाहले प्रमुख सल्लाहकारमा कुमार व्यञ्जन, राजनीतिक सल्लाहकारमा असिम शाह, नीति, प्रशासन तथा सुशासन सल्लाहकारमा सुदीप ढकाल तथा सूचना तथा प्रविधि सल्लाहकारमा विवेक मिश्रलाई नियुक्त गरेका छन् ।
यसैगरी, प्रधानमन्त्री शाहको प्रमुख स्वकीय सचिवमा सुवास शर्मा नियुक्त भएका छन् । उक्त नियुक्तिहरू आजैदेखि लागू हुने गरी प्रक्रिया अघि बढाइएको जनाइएको छ ।
