काठमाडौँ – नवनिर्वाचित प्रतिनिधि सभा सदस्यहरूको शपथ ग्रहण कार्यक्रम सम्पन्न भएसँगै राष्ट्रिय स्वतन्त्र पार्टी (रास्वपा) सरकार गठनको तयारीमा जुटेको छ।
पार्टीको केन्द्रीय समितिको बैठक आज दिउँसो ४ बजेदेखि वनस्थलीस्थित केन्द्रीय कार्यालयमा बस्दै छ। केन्द्रीय समितिको बैठकलगत्तै ५ बजे संसदीय दलको बैठक बस्ने छ।
बैठकले मुख्यगरी पार्टीको संसदीय दलको नेता चयन गर्ने र आगामी सरकार गठनका प्रक्रियाबारे निर्णय लिने बताइएको छ।
रास्वपाले पार्टीका वरिष्ठ नेता बालेन शाहलाई संसदीय दलको नेता चयन गर्नेछ। बालेनले प्रधानमन्त्रीका रुपमा भोलि शपथ लिँदै छन्।
