काठमाडौं – अर्थमन्त्री रामेश्वर खनालले आउँदो हप्ता नयाँ सरकार बन्न सक्ने बताएका छन्।
नेपाल नागरिक लगानी कोषको वार्षिक उत्सवका अवसरमा आयोजित कार्यक्रममा बोल्दै मन्त्री खनालले संविधान अनुसार निर्वाचन आयोगले बिहीबार समानुपातिक सांसदहरुलाई प्रमाणपत्र वितरण गरेपछि नयाँ सरकार तीव्र गतिमा अघि बढ्ने बताए। उनले आफू पनि अब विश्राम लिने बेला आएको संकेत गरेका छन्।
अर्थमन्त्री खनालले शक्तिशाली बहुमतसहितको सरकारले बाह्य क्षेत्रबाट उत्पन्न चुनौतीहरू सामना गर्दै समग्र आर्थिक परिसूचकमा देखिन थालेको संकेतअनुसार काम गर्न सकोस् भन्ने आशा व्यक्त गरेका छन्।
