काठमाडौं– संयुक्त अरब इमिरेट्स (युएई) सरकारको महान्यायाधिवक्ताको कार्यालयले सामाजिक सञ्जालमा भ्रामक भिडिओ पोस्ट गर्ने एक नेपालीसहित १० जनालाई पक्राउ गर्न आदेश दिएको समाचारमा जनाइएको छ।
मध्यपूर्वका समाचार संस्थामा यस्ता खबर प्रकाशित भएका छन्।
पक्राउ गरिनुपर्ने सूचीमा नेपालीसहित २ भारतीयसँगै पाकिस्तान, फिलिपिन्स, इजिप्ट, बंगलादेश, क्यामरुन, भियतनाम र इरानका पनि नागरिक परेका छन्।
सुरक्षा अधिकारीहरूले भिडिओमा वास्तविक र एआई–उत्पन्न फुटेज समावेश भएको बताएका छन्। जसमा युएईभरि विस्फोट, आक्रमण र सुरक्षा खतरा झूटा रूपमा देखाइएको पाइएपछि उनीहरुलाई पक्राउ आदेश दिइएको हो।
अनुसन्धानले जनतालाई भ्रमित पार्ने र डर फैलाउने उद्देश्यले सामग्री राखिएको पत्ता लगाएपछि संदिग्धहरूलाई द्रुत मुद्दामा पठाइएको समाचारहरुमा उल्लेख छन्।
