काठमाडौँ । काठमाडौँको गोकर्णेश्वर नगरपालिका-५ स्थित जम्बुडाँडा क्षेत्रमा पेस्तोलसहित ठूलो परिमाणमा गोली बरामद भएको छ।
प्रहरीका अनुसार आज २६ गते दिउसो करिब २:५० बजे हतियार रहेको भन्ने सूचनाका आधारमा प्रहरी वृत्त बौद्ध र प्रहरी प्रभाग काँडाघारीबाट खटिएको संयुक्त टोलीले खोजतलास गरेको थियो।
खोजीका क्रममा जम्बुडाँडा पहेँलो पुल नजिकको खोला किनारबाट एक थान पेस्तोल, तीन थान म्याग्जिन, ७.६२ एमएमका १३ राउन्ड तथा ९ एमएमका ८७ राउन्ड गोली बरामद गरिएको प्रहरीले जनाएको छ।
बरामद हतियार तथा गोलीको सम्बन्धमा प्रहरीले थप अनुसन्धान अघि बढाएको जनाएको छ।
