काठमाडौँ । फागुन २१ गते भएको प्रतिनिधि सभाको १ सय ६५ निर्वाचन क्षेत्रको मत परिणाम आउँदा समानुपातिकतर्फ पनि गणना अन्तिमतिर पुगेको छ । निर्वाचन आयोगका अनुसार अब १३ निर्वाचन क्षेत्रको मात्रै मतगणना बाँकी छ र गणना भइरहेको छ ।
प्रत्यक्षतर्फको निर्वाचनमा राष्ट्रिय स्वतन्त्र पार्टी १ सय २५, नेपाली काँग्रेस १८, नेकपा एमाले ९, नेकपा ८, श्रम संस्कृति पार्टी ३, राष्ट्रिय प्रजातन्त्र पार्टी १ र स्वतन्त्र उम्मेदवार १ स्थानमा निर्वाचित भइसकेका छन् ।
समानुपातिक तर्फ बिहान ९:२५ बजेसम्ममा १ करोड ३ लाख ८० हजार ०३१ मतगणना भइसकेको छ ।
निर्वाचन आयोगले प्रेषित गरेको विवरण अनुसार, १३ निर्वाचन क्षेत्रको मत परिणाम आउन बाँकी छ । कोशी प्रदेशको इलाम १, सुनसरी २, भोजपुर १, ओखलढुंगा, संखुवासभाको समानुपातिकको मतगणना भइरहेको छ ।
यस्तै, मधेश प्रदेशमा धनुषा १ र २, महोत्तरी-४ र सप्तरी १ को मतगणना भइरहेको छ । यस्तै, गण्डकी प्रदेशमा गोरखा १ र २ को मतगणना जारी छ । यस्तै, लुम्बिनी प्रदेशमा नवलपरासी पश्चिम १ र बर्दिया २ को मतगणना भइरहेको छ ।
