काठमाडौँ । अघिल्लो निर्वाचनमा समानुपातिकतर्फ पहिलो दल बनेको नेकपा (एमाले) यसपटक तेस्रो बनेको छ। समानुपातिकतर्फ नेपाली काँग्रेसले पनि एमालेलाई पछि पारेको छ।
आयोगको पछिल्लो मत परिणाम अनुसार ९८ लाख ८७ हजार ४६७ मत गणना सकिएको छ। जसमा रास्वपाले ४७ लाख ६० हजार ४८५ मत ल्याएको छ।
दोस्रो स्थानमा रहेको काँग्रेसले १५ लाख ९९ हजार २८८ मत छ भने एमालेको १३ लाख ३४ हजार ६८१ मत छ। काँग्रेस र एमालेबिचको मतान्तर २ लाख ६४ हजार ६०७ छ। यस हिसाबले एमालेले भन्दा काँग्रेसले समानुपातिकतर्फ पनि तीन सिट बढी जित्ने सम्भावना छ।
समानुपातिकको मतगणना अन्तिम चरणमा पुगिसकेको छ। प्रत्यक्षतर्फ काँग्रेसले १८ सिट जितिसकेको छ भने एमालेले ८ क्षेत्रमा जितेको छ भने एक क्षेत्रमा अग्रता राखेको छ।
