काठमाडौँ । प्रतिनिधि सभा सदस्य निर्वाचनअन्तर्गत सुनसरी-२ मा राष्ट्रिय स्वतन्त्र पार्टी का उम्मेदवार लालविक्रम थापा विजयी भएका छन्।
निर्वाचन अधिकृतको कार्यालयका अनुसार थापाले ५७ हजार ३४८ मत प्राप्त गर्दै प्रतिस्पर्धीहरूलाई पछि पार्दै जित हासिल गरेका हुन्। उनका निकटतम प्रतिस्पर्धी नेपाली काँग्रेस का राजीव कोइराला ले १६ हजार ७१ मत प्राप्त गरेका छन्। यससँगै थापाले कोइरालामाथि ४१ हजार २७७ मतको फराकिलो अग्रता कायम गरेका हुन्।
त्यसैगरी नेकपा (एमाले) का उम्मेदवार सुजन लामा ले आठ हजार ३०३ मत प्राप्त गरेका छन् भने श्रम संस्कृति पार्टी का चेतन राई ले सात हजार ४८४ मत पाएका छन्।
उक्त निर्वाचन क्षेत्रमा कुल एक लाख ५८ हजार ९१० मतदाता रहेकामा एक लाख एक हजार चार मत खसेको थियो। खसेको मतमध्ये ६ हजार २२९ मत बदर भएको निर्वाचन अधिकृतको कार्यालयले जनाएको छ।
