दाङ- दाङ–२ बाट राष्ट्रिय स्वतन्त्र पार्टीका सहमहामन्त्री विपिनकुमार आचार्य विजयी भएका छन् । विपिन नेकपा एमालेका महासचिव शंकर पोखरेललाई २८ हजार २७५ मतान्तरले हराउँदै विजयी भएका हुन् ।
कुल ८२ हजार ६ मतमध्ये विपिनकुमार आचार्यले ४३ हजार ५५७ मत प्राप्त गरेका छन् भने शंकर पोखरेलले १५ हजार २८२ मत ल्याएका छन्।
त्यस्तै कांग्रेसका किरणकिशोर घिमिरेले ११ हजार २७७ र नेपाली कम्युनिष्ट पार्टीका निर्मलकुमार आचार्यले ७ हजार ८१ मत प्राप्त गरेका छन् ।
एमालेका महासचिव पोखरेलले अन्तिम परिणाम घोषणा गर्नुअघि नै पराजय स्वीकार गर्दै विपिनलाई शुभकामना दिइसकेका छन् ।
