दमक– प्रतिनिधि सभा निर्वाचन क्षेत्र झापा–५ मा मतगणना जारी राखिएको छ।
शनिबार बिहान ११ बजेसम्म गनिएका ६७ हजार ८५५ मतमा रास्वपाका प्रस्तावित प्रधानमन्त्री बालेन शाहले ४२ हजार ५४३ मत ल्याएका छन्।
एमाले अध्यक्ष केपी शर्मा ओलीको लाल किल्ला भनिएको उक्त क्षेत्रमा बालेनले ३१ हजार ११६ मतान्तर बनाएका छन्। प्रतिस्पर्धी ओलीको ११ हजार ४२७ मत आएको छ।
एमालेले बालेनसँग नैतिक रुपमा हार मानिसकेको छ। महासचिव शंकर पोखरेलले रास्वपा र बालेनलाई बधाई दिइसकेका कारण ओलीको पराजय एमालेले स्वीकार गरिसकेको छ।
