काठमाडौँ क्षेत्र नम्बर ५ मा राष्ट्रिय स्वतन्त्र पार्टीका उम्मेदवार सस्मित पोखरेल विजयी भएका छन् । निर्वाचन आयोगको अपडेट अनुसार १७ हजार २०५ मत प्राप्त गरेका छन् । पोखरेल काठमाडौँ महानगरपालिकामा पूर्व प्रमुख बालेन्द्र शाहको सचिवालयमा कार्यरत थिए।
नेपाली कांग्रेसका नेता एवं पूर्व मन्त्री प्रदीप पौडेललाई फराकिलो मतान्तरले पछि पार्दै जित हासिल पारेका हुन्।
पौडेलको ५ हजार ४३१ मत रहेको छ । त्यस क्षेत्रमा नेकपा एमालेका नेता इश्वर पोखरेल तेस्रो स्थानमा २ हजार ७५६ मतका साथ रहेका छन् भने राष्ट्रिय प्रजातन्त्र पार्टीका नेता कमल थापा चौथौं स्थानमा १ हजार २ मतले चित्त बुझाउनु परेको छ।
ठूला भनिएका राजनीतिक दललाई पछि पार्दै पोखरेलले जित हासिल पारेका हुन्। निर्वाचन आयोगबाट आधिकारिक रुपमा घोषणा हुन भने बाँकी छ।
