काठमाडौँ । धनुषा निर्वाचन क्षेत्र नम्बर ३ मा भइरहेको मतगणनाको प्रारम्भिक परिणामले राष्ट्रिय स्वतन्त्र पार्टी (रास्वपा)का प्रवक्ता मनिष झालाई अगाडि देखाएको छ।
पछिल्लो मतपरिणामअनुसार झाले १ हजार ४०२ मत प्राप्त गरेका छन्। उनलाई नेपाली काँग्रेसका पूर्वमहामन्त्री विमलेन्द्र निधिले ४३३ मतसहित पछ्याइरहेका छन्।
यसैगरी नेकपा एमालेकी उम्मेदवार जुलीकुमारी महतोले २२९ मत प्राप्त गरेकी छन्। महतो यसअघि यही निर्वाचन क्षेत्रबाट प्रतिनिधिसभा सदस्यमा निर्वाचित भएकी थिइन्।
निर्वाचन अधिकृतको कार्यालयका अनुसार मतगणना जारी रहेको छ र अन्तिम परिणाम आउन अझ केही समय लाग्ने जनाइएको छ।