काठमाडौँ । भोलि(बिहीबार) हुने प्रतिनिधिसभा सदस्य निर्वाचनमा सबैभन्दा बढी खस आर्य समुदायका उम्मेदवार रहेका छन् । निर्वाचन आयोगले बुधबार सार्वजनिक गरेको चुनाव सम्बन्धी विस्तृत जानकारी अनुसार समावेशी उम्मेदवारमा खस आर्यबाट ३४.५० प्रतिशत सहभागी रहेका छन्।
दोस्रोमा आदिवासी जनजातिबाट २७.३० प्रतिशत सहभागी छन् । तेस्रोमा मधेशी २४.८७ प्रतिश, चौथोमा दलित ६.७५ प्रतिशत, पाचौंमा मुस्लिम ३.९९ प्रतिशत र छैटौंमा थारु २.५८ प्रतिशत सहभागी छन् ।
आयोगका अनुसार प्रत्यक्षतर्फ तीन हजार ४०६, समानुपातिकतर्फ तीन हजार १३५ उम्मेदवार सहभागी छन् । प्रत्यक्षतर्फ पुरुष उम्मेदवार तीन हजार १७, महिला ३८८ र अन्य एक जना सहभागी छन् ।
यस्तै समानुपातिकतर्फ पुरुष एक हजार ३६३, महिला एक हजार ७७२ उम्मेदवार सहभागी छन् । यस्तै प्रत्यक्षतर्फ ६५ र समानुपातिकतर्फ ६३ राजनीतिक दलले भाग लिएका छन् । निर्वाचन आयोगमा १३६ दलले दर्ता गरेका थिए।
