काठमाडौं- इरानले प्रहार गरेको मिसाइलका कारण एक जनाको मृत्यु भएपछि संयुक्त अरब इमिरेट्स क्रुद्ध भएको छ ।
यूएईको आधिकारिक समाचार एजेन्सीका अनुसार इरानबाट प्रहार गरिएका कैयौँ मिसाइलहरूलाई बीचमै नष्ट गरिए पनि राजधानी अबु धाबीमा कम्तीमा एक जनाको मृत्यु भएको छ ।
यूएईले यो आक्रमणलाई राष्ट्रिय सार्वभौमसत्ता र अन्तर्राष्ट्रिय कानुनको घोर उल्लङ्घन भन्दै यस्तो उत्तेजक कार्यको जवाफ दिने सम्पूर्ण अधिकार सुरक्षित रहेको जनाएको छ ।
इरानी मिसाइलको टुक्रा लागेर अबु धाबीमा अज्ञात एशियाली देशका नागरिकको मृत्यु भएको अन्तर्राष्ट्रिय सञ्चार माध्यमले जनाएका छन् ।
