रुपन्देही । नेपाली काँग्रेसले बुटवलमा भोलि चुनावी सभा गर्ने भएको छ । नेपाली काँग्रेस क्षेत्र नम्बर २ को आयोजनामा शुक्रबार बिहान १० बजे बुटवलको देवीनगरमा चुनावी सभाको आयोजना गरिएको हो ।
सभालाई नेपाली काँग्रेसका केन्द्रीय सभापति गगनकुमार थापालगायतका शीर्ष नेताले सम्बोधन गर्ने कार्यक्रम रहेको क्षेत्रीय काँग्रेस रुपन्देही क्षेत्र नम्बर २ का सभापति प्रजापाल गिरीले बताए ।
सभामा रुपन्देहीका ५ वटै निर्वाचन क्षेत्रका उम्मेदवारहरूको उपस्थिति रहने छ । नेपाली काँग्रेसले रुपन्देही क्षेत्र नम्बर १ मा हिराबहादुर केसी, २ मा चुन्नप्रसाद पौडेल, ३ मा सुशील गुरुङ, ४ मा आशुतोष मिश्र र ५ मा भरतकुमार शाहलाई उम्मेदवार बनाएको छ । थापाले आज बाँके र सुर्खेतमा सम्बोधन गर्ने कार्यक्रम रहेको छ ।
