काठमाडौँ । आज बिहान ८:३० बजेदेखि पुन: कर्फ्यु कडाइका साथ लागु हुने रौतहट जिल्ला प्रशासन कार्यालयले जनाएको छ ।
कर्फ्यु कडाइका साथ लागु हुने भन्दै पालना गर्न रौतहट प्रशासनले सूचना जारी गरेको छ ।
गौरमा दुई समुदायबीच भएको सामान्य भनाभन तीन दिनमै उग्र साम्प्रदायिक दंगामा परिणत भएपछि स्थिति नियन्त्रण बाहिर गएको हो । तोडफोड, आगजनी र ढुंगा हानाहानका घटना बढ्दै गएपछि प्रशासनले जारी गरेको कर्फ्यु आइतबार बिहान केही खुकुलो पारिएको छ ।
बिहान कर्फ्यु खुकुलो हुँदा सर्वसाधारण दैनिक उपभोग्य बस्तु किनमेलमा छिटफुट निस्किएका छन् ।
प्रहरी प्रशासनले घटना बढाउन भूमिका खेलेको भन्दै २० जनालाई पक्राउ गरिसकेको छ । जनमत पार्टीका नेता शेख जमशेदसहित २० जना प्रहरी नियन्त्रणमा छन् ।