काठमाडौँ । नेपाली काँग्रेसका उपसभापति विश्वप्रकाश शर्माले २१ फागुनमा हुने प्रतिनिधि सभा निर्वाचनपछि काँग्रेस पहिलो पार्टी हुने दाबी गरेका छन् ।
देशलाई निकास दिनका लागि काँग्रेसले जिम्मेवार पूर्ण नेतृत्व गर्ने उनको भनाइ थियो । राँकेबजारमा इलाम र पाँचथरको चुनावी सभालाई सम्बोधन गर्दै यस्तो बताएका हुन् ।
पहिलो हुने दललाई सरकारको नेतृत्व दिनुपर्ने काँग्रेसको प्रस्ताव रहने उनको भनाइ थियो । दोस्रो र तेस्रो दल प्रतिपक्षमा बस्ने गरी प्रस्ताव पेस गर्ने उनको भनाइ थियो ।
नयाँ ऊर्जा, कार्यक्रम लिएर चुनावमा पार्टी होमिएको उनको भनाइ थियो ।
