काठमाडौँ । पछिल्लो तीन महिनाको अवधिमा ५६६ जनाले गैरआवासीय नेपाली संघ (एनआरएन) नागरिकता प्राप्त गरेका छन्। गृह मन्त्रालयले सार्वजनिक गरेको कात्तिक १ गतेदेखि पुस मसान्तसम्मको तथ्यांक अनुसार उक्त संख्यामा नागरिकता वितरण भएको हो।
सोही अवधिमा कुल दुई लाख दुई हजार ९५६ वटा विभिन्न प्रकारका नागरिकता प्रमाणपत्र जारी गरिएको मन्त्रालयको विवरणमा उल्लेख छ। यसमध्ये वंशजका आधारमा नागरिकता लिनेको संख्या एक लाख १९ हजार १२ रहेको छ। त्यस्तै २६ जनाले अंगीकृत नागरिकता प्राप्त गरेका छन् भने वैवाहिक अंगीकृत नागरिकता लिनेको संख्या तीन हजार ३४० पुगेको छ।
नेपालको नेपालको संविधानको धारा १४ ले गैरआवासीय नेपाली नागरिकतासम्बन्धी प्रावधान व्यवस्था गरेको छ। उक्त व्यवस्थाअनुसार विदेशमा बसोबास गर्ने नेपाली मूलका व्यक्तिहरूलाई आर्थिक, सामाजिक तथा सांस्कृतिक अधिकार उपभोग गर्न मिल्ने गरी नागरिकता दिने कानुनी आधार तयार गरिएको हो।
सम्बन्धित संघीय कानुन कार्यान्वयनमा आएपछि मात्र यस्तो नागरिकता वितरण प्रक्रिया सुरु भएको हो। नागरिकता ऐन संशोधनसम्बन्धी विधेयक २०८० साल जेठ १७ गते राष्ट्रपतिबाट प्रमाणीकरण भएपछि कार्यान्वयनको बाटो खुलेको थियो।
त्यसपश्चात् २०८० असोज ३० गते तत्कालीन प्रधानमन्त्री पुष्पकमल दाहाल ले गैरआवासीय नेपाली संघ (एनआरएनए) अन्तर्राष्ट्रिय समन्वय परिषद्का अध्यक्षद्वय कुल आचार्य र बद्री केसी लाई नागरिकता प्रदान गर्दै वितरणको औपचारिक सुरुवात गरेका थिए।
