ढाका- बंगलादेशमा शेख हसिनाको सत्ता उखेल्ने गरी सन् २०२४ जुलाईमा भएको विद्रोहका प्रमुख नेता हसनात अब्दुल्लाहले सांसदका रूपमा शपथ ग्रहण गरेका छन्।
उनले सांसदको शपथ लिँदा जुलाई आन्दोलनका क्रममा लगाएको जर्सी नै लगाएका थिए।
हाल राष्ट्रिय सिटिजन पार्टी (एनसीपी) का दक्षिण क्षेत्रीय प्रमुख आयोजक रहेका हसनात फेब्रुअरी १२ मा सम्पन्न १३औँ संसदीय निर्वाचनमा कुमिल्ला–४ (देविद्वार) निर्वाचन क्षेत्रबाट विजयी भएका थिए।
उक्त क्षेत्रमा रहेका सबै मतदान केन्द्रमा उनले विजय हासिल गरेका थिए। नवनिर्वाचित सांसदहरूको शपथ ग्रहण समारोह मंगलबार दिउँसो जातीय संसद भवनमा सम्पन्न भएको हो।
प्रमुख निर्वाचन आयुक्त एएमएम नासिर उद्दिनले सांसदहरूलाई शपथ गराएका थिए। हसनातले एनसीपीका अन्य पाँचजना निर्वाचित सांसदसँगै शपथ लिएका हुन्।
ती पार्टीका नेताहरू संवैधानिक सुधार परिषद्का सदस्यसमेत बनेका छन्।
