काठमाडौँ । राष्ट्रिय स्वतन्त्र पार्टीकी नेतृ सोबिता गौतमले चितवन निर्वाचन क्षेत्र नम्बर-३ बाट उम्मेदवारी दर्ता गराएकी छन्।
भरतपुर-१५ स्थित रामपुर क्याम्पसमा रहेको निर्वाचन अधिकृतको कार्यालय पुगेर गौतमले मंगलबार उम्मेदवारी दर्ता गराएकी हुन्।
गौतमको प्रस्तावकमा रास्वपा जिल्ला सभापति कृष्णप्रसाद भुसाल र समर्थकमा भरतपुर महानगरपालिका उपसभापति आशिष लो तामाङ रहेका छन्।
गौतमको घर भरतपुर-१५ मंगलपुरमा पर्छ। उम्मेदवारी दर्ता गराउन तीन क्षेत्रमा पर्ने सबै वडाका प्रतिनिधिहरू, परिवारका सदस्य, शुभचिन्तक निर्वाचन अधिकृतको कार्यालय पुगेका थिए। गौतम ०७९ को निर्वाचनमा काठमाडौँ २ बाट निर्वाचित भएकी थिइन् ।