काठमाडौँ। नेकपा एमालेका उपाध्यक्ष विष्णुप्रसाद पौडेल रुपन्देही-२ बाटै उम्मेदवार बन्ने भएका छन् ।
शनिबारको सचिवालय बैठकले पौडेललाई पाल्पा-२ को टिकट दिएको थियो । तर चर्को विरोध भएपछि पार्टीको निर्णय सच्चिएको छ ।
विष्णु पौडेल रुपन्देही-२ बाट चुनाव लड्न निश्चित भएपछि रुपन्देहीका पाँचै क्षेत्रका उम्मेदवार निश्चित भएको छ । रुपन्देही-१ दधिराम न्यौपाने, रुपन्देही-२ विष्णुप्रसाद पौडेल , रुपन्देही-३ बाट वासुदेव घिमिरे, रुपन्देही-४ बाट सुनिता थथेर र रुपन्देही-५ बाट खिमलाल भट्टराई उम्मेदवार टुंगिएको हो ।
विष्णु पौडेल रुपन्देहीबाटै उम्मेदवार बन्ने भएपछि पाल्पा-२, को उम्मेदवारबारे अर्को निर्णय गर्नुपर्ने भएको छ । यो क्षेत्रबाट गत चुनावमा ठाकुर गैरेले जितेका थिए ।
