प्रतिनिधिसभा निर्वाचनका लागि आचारसंहिता लागू गर्नेलगायत विषयमा सरकार र निर्वाचन आयोगबिच छलफल सुरु भएको छ। प्रधानमन्त्री तथा मन्त्रिपरिषद् कार्यालयमा सुरु भएको छलफलमा सरकारका मन्त्री तथा आयोगका पदाधिकारी र कर्मचारी सहभागी छन्।
छलफलको मुख्य विषय निर्वाचन आचारसंहिता कार्यान्वयन रहेको प्रधानमन्त्रीको सचिवालयले जनाएको छ । नेपाली कांग्रेसको शेरबहादुर देउवा पक्षले मनोनयनको मिति सार्न प्रस्ताव गरेकाले त्यस विषयमा पनि छलफल हुने सम्भावना छ ।
