काठमाडौँ । काठमाडौँ महानगरपालिकाका मेयर बालेन्द्र शाह (बालेन)ले पदबाट राजीनामा दिएका छन् ।
उनले माघ ४ गते आजदेखि देखि लागू हुने गरी मेयर पदबाट राजीनामा दिएका हुन् ।
पदबाट राजीनामा दिएका बालेन अब औपचारिक रूपमा राष्ट्रिय स्वतन्त्र पार्टी (रास्वपा)मा प्रवेश गर्दै छन् । उनी आजै रास्वपाको केन्द्रीय कार्यालय पुगेर वरिष्ठ नेताको पद सम्हाल्ने छन् ।
बालेनले २०७९ को स्थानीय निर्वाचनमा स्वतन्त्र उम्मेदवारका रूपमा काठमाडौँ महानगरको मेयर जितेका थिए ।
करिब साढे तीन वर्षको कार्यकालमा उनले फोहोर व्यवस्थापन, अवैध संरचना हटाउने, नदी किनार सुधारजस्ता काम गरे पनि केही विवादास्पद निर्णयका कारण आलोचना पनि खेपेका थिए ।
